10個創業者　9個愛跑步？

▲ 相片來源：Standard Chartered HK Marathon fb

很多我認識的創業者都喜歡做運動，特別是長跑，馬拉松長跑。

當初我不明白箇中原因， 直到我自己都開始有參與馬拉松，每年渣打跑到像條狗一樣，才慢慢體會到跑步和創業的關係。

能完成比賽的秘訣

很多人都有想過參與馬拉松，但最少10公里喎， 聽完之後都驚驚地。諗下諗下，我今年都無乜做運動，都係唔好搞我啦，下年先啦。年復一年，最後都係無參加。

其實，很多人都誤解左完成馬拉松係一件完全「體力」既事情。雖然我只係參加過5屆， 但係我可以體會到， 能完成比賽的秘訣，不在體力，而在意志。

硬是要我將依件事加上一個比例的話，我會話係 4:6。4是體能，6是意志。

▲ 相片來源：Standard Chartered HK Marathon fb

跑馬拉松，你快是沒用的，重點反而是「不可以停下來」。

為什麼? 因為只要有一刻你停下來，你就會享受那種「休息」，然後整個賽事餘下來只要你一覺得辛苦你就會回味那種「休息」， 成件事就變得斷斷續續， 什至乎有一刻你會認為，我都係唔得嫁啦，隻腳好痛呀， 不如下年再試，今年都係等巴士回收啦。

即係話， 只要你一停， 意志力就會馬上崩潰， 基本上你己經玩完。

這根本就等同於創業，一個創辦人由創業第一日開始， 就等同於跑一個唔知終點有幾遠既馬拉松。

你一路跑一路跑， 「嘩， 前面條路爛既! 」又或者「嘩， 前面上斜個位仲好似唔止45度角喎! 」。有無限多你估都估唔到既事情會在路上發生。

唔夠錢啦， 請唔到人啦， 話你office 係數碼港太遠唔考慮啦（敞公司地址）， 趕唔切Deadline交貨啦， 個客唔buy 你條穚啦， 無人投資啦， 乜都有。

你跑到腳痛果陣可以點? 你可以去個旅行放鬆下休息下呀， 反正無老闆唔批假比你， 係咪?

咪下年再跑過咯， 話哂數據都有話啦， 創業第一年平均都有7成執笠， 創業第二年平均有97%執笠啦。 即係100間先有3間涯得過第二年， 你做果97個裡面其中一個都唔係好過份姐。

只要你想放棄， 有無限個理由任君選擇， 但你要堅持的話， 一個理由就夠。

問問自己為何要創業， 為何非創業不可， 把理由寫低在一張白紙上， 然後拿去過膠， 放在每日你都會經過的當眼位置。 在你心灰意冷時望一望， 為你自己好好加油。

Run for a reason

我好喜歡馬拉松比賽常用到的一句口號，「Run for a reason」。我詮釋為「找一個會令你感動流淚的原因而做一件辛苦到飛起既事」。

方展博在大時代裡有一幕， 他在自己辦公桌枱頭放了自己一家被丁蟹家族害死的遺照， 然而在股壇上成功擊敗丁蟹後， 他在照片前面為每一張遺照倒一杯香檳慶祝， 這就是他的「Run for a reason」。

▲ 相片來源：Standard Chartered HK Marathon fb

而我們身為創業者， 想一想你萬一有一天成功了， 你的產品可以帶給多少人感動， 帶給多少人歡樂， 解決了多少人的煩惱。

我經常會被這些自己幻想的成就弄到流淚滿面。 這些都是一直在支持著我繼續跑下去的「Run for a reason」。

筆者簡介：自命不凡，相信用鍵盤就能龍行天下。自大學開始創業，最近沉迷同手機玩遊戲，現為初創公司 Skytree CEO。